شہیدمحسن فخر زادہ اسلامی ترقی و غلبہ کی علامت تھے، علامہ افضل حیدری

شہید امریکی واسرائیلی مظالم کی راہ میں رکاوٹ تھے
 لاہور (پ ر ) وفاق المدارس الشیعہ پاکستان کے سیکریٹری جنرل علامہ محمد افضل حیدری نے اسلامی جمہوریہ ایران کے ممتاز ایٹمی سائنسدان ڈاکٹر محسن فخری زادہ کی دہشت گردوں کے ہاتھوں شہادت کی شدید مذمت کرتے ہوئے کہا ہے کہ دشمن کی نظر میں یہ عظیم سائنسدان اسلامی ترقی و غلبہ کی علامت اور امریکی و اسرائیلی مظالم کی راہ میں رکاوٹ تھے۔اسلام دشمن طاقتیں پاکستان اور ایران کی ایٹمی صلاحیت ختم کرنے کے درپے ہیں۔اوآئی سی اس سنگین سانحہ کو عالمِ اسلام کے خلاف دہشت گردی قرار دے کر اقدامات کرے۔ بھارت، امریکا اور اسرائیل کو کسی بھی اسلامی ملک کی ایٹمی طاقت بننا برداشت نہیں۔امریکا، اسرائیل اور بھارت پورے عالَمِ اسلام اور ایٹمی طاقت کی وجہ سے بالخصوص پاکستان اور ایران کے مشترکہ دشمن ہیں۔ایران کے ایٹمی سائنسدان کا قتل اسلامی ممالک کی قوت وطاقت کو نقصان پہنچانے کی سفاکانہ دہشت گردی ہے۔