سینکڑوں فلسطینیوں نے حماس کے رہنماؤں کی سعودی جیلوں سے رہائی کیلئے غزہ کی پٹی میں احتجاجی مظاہرے کئے۔ القدس العربی کی رپورٹ کے مطابق مظاہرین نے ہونے والے احتجاجی مظاہروں کے دوران سعودی ولیعہد محمد بن سلمان اور سعودی شاہ سلمان بن عبدالعزیز کے خلاف نعرے لگاتے ہوئے حماس کے رہنماؤں محمد الخضری اور هانی الخضری کی فوری رہائی کا مطالبہ کیا۔
واضح رہے کہ سعودی عرب کی سیکیورٹی فورسز نے حماس کے رہنماؤں محمد الخضری اور هانی الخضری کو اپریل 2019 میں گرفتار کیا تھا۔
حماس نے 23 مارچ 2021 کو ایک بیان جاری کرتے ہوئے کہا تھا کہ محمد الخضری کی جیل میں صحت دن بدن بگڑتی جا رہی ہے۔ جبکہ فروری کے مہینے میں ایمنسٹی انٹرنیشنل نے بھی محمد الخضری کی جیل میں جسمانی صورتحال پر تشویش کا اظہار کرتے ہوئے کہا تھا کہ سعودی جیل میں ان کا علاج معالجہ نہیں ہو رہا۔
