سعودیہ انسانی حقوق کی خاتون رہنماکو رہاکرے،ایمنسٹی

 لجین الہذلول کو اصلاح اور تبدیلی کا مطالبہ کرنے کی سزا دی جا رہی ہے
نیویارک (نیوز ڈیسک)ایمنسٹی انٹرنیشنل نے سعودی عرب سے مطالبہ کیا ہے کہ وہ انسانی حقوق کی خاتون کارکن لجین الہذلول کو فوری رہا کرے، ایمنسٹی کی مشرق وسطی چیپٹرکی سربراہ لین معلوف نے لجین الہذلول کے خلاف مقدمہ چلائے جانے پر شدید رد عمل کا اظہار کیا اور کہا کہ لجین نے کوئی جرم نہیں کیا وہ صرف انسانی حقوق کی رکن ہیں، انہیں صرف سعودی عرب میں اصلاح اور تبدیلی کا مطالبہ کرنے کی سزا دی جا رہی ہے، اس لئے انہیں فورا اور بغیر شرط کے آزاد کیا جانا چاہئے، لجین الہذلول نے خاندان سے رابطے کی اجازت نہ دینے پر 26 اکتوبرسے بھوک ہڑتال کر رکھی ہے اور ان کا بیرونی دنیا سے کوئی رابطہ نہیں رہ گیا ہے اور اس سے بھی بڑھ کر یہ کہ عدالت میں مقدمہ چلانے سے صرف ایک دن پہلے انہیں اطلاع دی گئی اور ان کے پاس تیاری کے لئے مناسب وقت ہی نہیں تھا