Raza Musani 
برلن: جرمنی کے شہر ہیمبرگ کے ایک چرچ میں فائرنگ سے آٹھ افراد ہلاک اور پچیس زخمی ہوگئے۔ جرمن میڈیا کے مطابق فائرنگ کا واقعہ ہیمبرگ کے گروس بورسٹل ڈسٹرکٹ میں پیش آیا۔ مسلح شخص جے ہووا وٹنس سینٹر میں گھسا اور اوپری منزل کے میٹنگ ہال میں جاکر گولیاں برسادیں۔ حملے کے وقت ہال میں میٹنگ جاری تھی۔ فائرنگ سے چھ افراد ہلاک اور 25 سے زائد زخمی ہوگئے۔ فائرنگ سے حملہ آور بھی مارا گیا۔ پولیس اور ریسکیو ٹیم نے موقع پر پہنچ کر زخمیوں اور لاشوں کو اسپتال منتقل کیا، بعض زخمیوں کی حالت نازک بتائی جاتی ہے۔ پولیس نے مشتبہ سفید فام حملہ آور کی تصویر جاری کردی ہے۔ پولیس کا کہنا ہے کہ حملہ آور تنہا ہی تھا کیونکہ چرچ سے کسی کے فرار ہونے کی اطلاع نہیں ملی، فوری طور پر فائرنگ کی وجوہات معلوم نہ ہوسکی، پولیس نے واقعہ کی تفتیش شروع کردی ہے۔حملے سے متعلق کوئی قابل اعتماد معلومات نہیں ہیں، انہوں نے عوام سے اپیل کی ہے کہ وہ اس حوالے سے کوئی افواہیں نہ پھیلائیں۔
