بحرین نے اسرائیلی طیاروں کو بحرینی فضائی حدود استعمال کرنے کا اجازت نامہ جاری کیا۔ بحرینی حکومت نے ایک بیان میں کہا ہے کہ اسرائیل اور متحدہ عرب امارات کے مابین پروازیں بحرینی فضائی حدود استعمال کرنے کے مجاز ہوں گے۔
بحرینی حکام کا کہنا ہے کہ متحدہ عرب امارات نے فضائی حدود استعمال کرنے کی درخواست دی تھی جس پر اتفاق کیا گیا ہے۔
بحرین کی حکومت نے جمعرات کی شب ایک بیان میں کہا ہے کہ وہ صہیونی حکومت اور متحدہ عرب امارات کے مابین ہر قسم کی پروازوں کے لئے بحرینی فضائی حدود استعمال کرنے کے مجاز ہوں گے۔
اس سے قبل متحدہ عرب امارات کی درخواست پر سعودی عرب نے امارات کی جانب جانے والی اسرائیل کی تمام براہ راست پروازوں کو فضائی حدود استعمال کرنے کی اجازت دے دی ہے۔
امریکا ، متحدہ عرب امارات اور صہیونی حکومت نے 14 اگست کو ایک مشترکہ بیان میں صہیونی حکومت اور متحدہ عرب امارات کے مابین تعلقات کو معمول پر لانے کا اعلان کیا تھا اور اس بات پر زور دیا کہ آنے والے ہفتوں میں مزید اقدامات اٹھائے جائیں گے۔
