Ilyas نئے رہائشی منصوبے نے الحاق موخر کرنے کا جھوٹ ثابت ہوگیا،حماس
مقبوضہ بیت المقدس(نیوز ڈیسک) حماس کا کہنا ہے کہ بحرین اور اسرائیل کے درمیان معاہدہ امریکا کی ناکام‘ڈیل آف دی سنچری’کا شاخسانہ ہے، حماس کے ترجمان حازم قاسم نے کہا کہ یہ تمام حربے ڈیل آف دی سنچری میں شامل ہیں جنہیں ہم جارحیت سمجھتے ہیں، اس طرح معاملات معمول پر لانا اسرائیلی قبضے کی حمایت اور اسرائیلی بیانیہ کی طرفداری ہے، غرب اردن میں ہزاروں نئے صیہونی رہائشی مکانات کی تعمیر کے منصوبے کی منظوری کے بعد علاقے کے الحاق کا فیصلہ موخرکرنے کا اسرائیلی جھوٹ ثابت ہو گیا، عرب ملکوں کی جانب سے تل ابیب کے ساتھ تعلقات کی برقراری نے غاصب صیہونی حکومت کو زیادہ سے زیادہ فلسطینی اراضی پر قبضہ جمانے کے لئے گستاخ بنا دیا ہے
