Ilyas او آئی سی کا کردار بھی خاموش تماشائی سے زیادہ کچھ نہیں ،علامہ ساجد نقوی
لاہور(نیوز ڈیسک)سربراہ شیعہ علما کونسل پاکستان علامہ سید ساجد علی نقو ی نے کہاکہ اقوام متحدہ کا ایسے وقت میں یوم تاسیس آیا ہے جب ایک طرف افغان امن عمل شروع ہے تو دوسری جانب بھارت کی طرف سے کشمیریوں پر حالیہ چند ماہ میں ظلم کے پہاڑ توڑ دیئے گئے ہیں جبکہ انڈیا کے اندر انسانی حقوق کی خلاف ورزیوں کے ساتھ خطے کی صورتحال بھی انتہائی تشویشناک ہے، جبکہ ڈیل آف سینچری کے نام سے فلسطینیوں پر قبضہ منصوبہ مسلط کردیا گیا ہے اور چند ممالک کو دباوَ یا لالچ کی بنیاد پر نام نہاد امن معاہدہ میں شامل کیا جارہا ہے، ایسی صورتحال میں اقوام متحدہ کی امن ذمہ داری مزید بڑھ جاتی ہے، اقوام متحدہ کو بڑی طاقتوں کے سامنے جھکنے کا تاثر بھی ختم کرنا ہوگا کیونکہ فلسطین و کشمیر پر سلامتی کونسل کی قراردادوں ، خیر سگالی کے پیغامات اور تنبیہ کے باوجود منہ زور امریکا، اسرائیل، انڈیا اور اور دیگر غاصبوں کی مذموم کارروائیاں جاری ہیں ، جبکہ او آئی سی کا کردار بھی خاموش تماشائی سے زیادہ کچھ نہیں
