بھارت کے یوم جمہوریہ کے موقع پر اسلام آباد میں بھارتی ہائی کمیشن کے باہر آل پاکستان حریت کانفرنس کی جانب سے مقبوضہ کشمیرمیں جاری بھارتی بر بریت کے خلاف احتجاج کیا گیا۔ احتجاج میں شامل مظاہرین کا کہنا تھا کہ کشمیریوں کوحق خودارادیت دیئے بغیر بھارت جمہوریت کا دعوے دار کیسے ہو سکتا ہے، بھارت کشمیریوں کی نسل کشی میں مصروف ہے۔ مظاہرین کی جانب سے مودی سرکار سے مطالبہ کرتے ہوئے کہنا تھا کہ کشمیریوں کو حق خود ارادیت دیا جائے اور بھارتی مظالم بند کیے جائیں۔ مظاہرین کا کہنا ہے کہ بھارت کی مقبوضہ کشمیرمیں جاری بربریت کےخلاف اقوام متحدہ کو آواز اٹھانی چاہیے۔
