اسرائیلی عوام کی اکثریت مسئلہ فلسطین کے دو ریاستی حل کی حامی

29فیصد نے سعودی عرب ،28فیصد نے فلسطین سے امن معاہدہ پر زور دیا
جنیوا(نیوزڈیسک) اسرائیلی عوام کی اکثریت نے مسئلہ فلسطین کے دو ریاستی حل کی حمایت کی، اسرائیلی فلسطینی تنظیم ’جنیوا اقدام‘ کے زیرانتظام رائے عامہ کے ایک نئے جائزے میں 48 فی صداسرائیلی عوام نے دو ریاستی حل ہی سب سے زیادہ ترجیحی آپشن قرار دیا، صرف 11 فی صد نے یک ریاستی حل کے حق میں رائے دی ، مزید 11 فی صد کا کہنا تھا کہ دونوں کیلئے ریاست تو ایک ہی ہو لیکن اس میں فلسطینیوں کو کم حقوق حاصل ہونے چاہییں،49 فیصد اسرائیلیوں نے بائیڈن انتظامیہ کی ثالثی میں فلسطینیوں کے ساتھ دوبارہ مذاکرات شروع کرنےکی حمایت کا اظہار کیا ، عرب سے تعلقات سے متعلق سوال پر29 فی صد نے کہا کہ سعودی عرب جبکہ 28 فی صد نے فلسطینیوں کے ساتھ امن قائم کرنے کی رائے دی۔