Ilyas سرحدیں صرف تجارتی لین دین سرحدیں کھولنے کا فیصلہ کیا گیا
بغداد (نیوز ڈیسک) اربعین کے موقع پر غیر ملکی زائرین کے ملک میں داخلے پر پابندی رہے گی، عراقی وزارت صحت کے ترجمان کے مطابق وزیر اعظم مصطفی الکاظمی کی زیر صدارت اجلا س میں بتایا گیاکہ صرف تجارتی لین دین کے لیے محدود پیمانے پر سرحدیں کھولنے کا فیصلہ کیا گیا ، غیر ملکی زائرین کے داخلے کی ممانعت ابھی باقی ہے اور یہ پابندی اربعین کے موقع پر باقی رہے گی، سیف البدر نے کہا کہ حکومت پر عراقی شہریوں کی صحت کی حفاظت کی ذمہ داری ہے جس کے لیے ضروری اقدامات کیے جا رہے ہیں،ادھر الحشدالشعبی کے 26ویں بریگیڈ نے اعلان کیا ہے کہ کورونا وائرس کی وبا کی بنا پر اس سال اربعین حسینی کا پروگرام ماضی سے بالکل الگ نوعیت کا ہوگا اور اسی بنا پر مقدس شہر کربلا جانے والے شمالی، مشرقی اور جنوبی راستوں میں سیکورٹی فراہم کرنے کے لئے پانچ ہزار کی ریزرو فورس کو طلب کر لیا گیا ہے۔
