Ilyas اماراتی ملیشیا کی پریڈ نشانہ بنی، نجران میں سعودی چیک پوسٹ میزائل سے تباہ
صنعا (نیوز ڈیسک)یمن کے جنوبی شہر الضالع میں فوج کی گریجویشن پریڈ پر میزائل حملے میں کئی ہلاک اور 20 زخمی ہوگئے، عرب امارات سے وابستہ ملیشیا کی پاسنگ آؤٹ پریڈ کے دوران انصار اللہ نے مہمانوں کیلئے مختص مقام کو بیلسٹک میزائل سے نشانہ بنایا،یمنی فوج اور عوامی رضاکار فورس نے جنوبی سعودی عرب کے صوبے جیزان سے سعودی اتحاد کی دراندازی کو ناکام بنادیا، جبل الدود میں یمنی فوج اور اتحادی فوجیوں کے درمیان لڑائی میں جارح سعودی اتحاد کو بھاری جانی اور مالی نقصان اٹھانا پڑا ہے، فوج اور عوامی رضاکار فورس نے نجران سیکٹر کے علاقے بیرعسکر میں سعودی چیک پوسٹ کو بیلسٹک میزائل سے نشانہ بنایا،حملے میں مذکورہ چیک پوسٹ تباہ اور کئی فوجی ہلاک اور زخمی ہوگئے، ادھرصوبہ صعدہ کے بازار اور الحدیدہ کے شہر حیس پر سعودی گولہ باری اور راکٹ حملوں پر ردعمل ظاہر کرتے ہوئے یمنی فوج کے ترجمان یحیی السریع نے کہا کہ ہمارا جواب دشمن کے لیے انتہائی دردناک ثابت ہوگا۔
