شہر قائد میں پولیس اور حساس اداروں نے مشترکہ کارروائی کے دوران بھارتی خفیہ ایجنسی ’را‘ کا حمایت یافتہ خطرناک دہشتگرد گرفتار کرلیا۔ تفصیلات کے مطابق کراچی کے علاقے اتحاد ٹاؤن میں پولیس اور حساس اداروں کے اہلکاروں نے خفیہ اطلاعات پر کارروائی کی اور ایک شخص کو گرفتار کرلیا۔ پولیس کا کہنا ہے کہ گرفتار کئے گئے شخص کا نام منصور عرف انیل ہے، اس نے بھارت سے دہشتگردی کی تربیت حاصل کر رکھی ہے اور اس کا تعلق علیحدگی پسند تحریک سے ہے، منصور سی پیک منصوبوں، حساس تنصیبات اور گیس پائپ لائن پر حملوں سمیت دہشتگردی کی مختلف وارداتوں میں ملوث ہے، اس کے علاوہ ملزم حساس تنصیبات کی ریکی اور دھماکا خیز مواد کی ترسیل بھی کرتا تھا، گرفتار ملزم سے دھماکا خیز مواد اور اسلحہ برآمد ہوا ہے۔
