پاکستان کا فرانس سے تعلقات ختم کرنے پر غور ( مسلم ممالک سے مشاورت کی جائیگی )

وفاقی کابینہ نے وزیر خارجہ شاہ محمود قریشی کو اسلامی ممالک سے رابطوں کا ٹاسک دے دیا،او آئی سی ممالک سے رابطوں کے بعد وفاقی کابینہ کو آگاہ کریں گے
سعودیہ اور ایران کو لڑاکرکمزور کرنیکی کوشش کی جارہی ہے،اپوزیشن کی تحریک کے پیچھے غیرملکی ہاتھ ہے،ہماراعراق اور لیبیا جیسا حشر کرنا چاہتے ہیں، وزیراعظم
 اسلام آباد(نیوز ڈیسک) وزیراعظم عمران خان نے فرانس سے تعلقات ختم کر نے کے معاملے پر مسلم امہ سے مشاورت کا فیصلہ کرلیا، اس سلسلے میں وزیر خارجہ شاہ محمود قریشی کو اسلامی ممالک سے رابطوں کا ٹاسک دیا گیا ہے ، وہ اسلامی تعاون تنظیم کے رکن ممالک سے رابطوں کے بعد وفاقی کابینہ کو آگاہ کریں گے،وزیراعظم نے اخبارات کے ایڈیٹرز اور کالم نگاروں کو بریفنگ میں کہا کہ کچھ ملکوں کا اتحاد پاکستان کو تگڑا نہیں دیکھنا چاہتا،یہ ممالک پاکستان کا بھی وہی حال کرنا چاہتے ہیں جو لیبیا اور عراق کا ہوا ہے اور اب یہی ممالک سعودی عرب اور ایران کو لڑانے کی سازش کر کے کمزور کرنا چاہتے ہیں،اس سارے عمل کے پیچھے ایک پلان ہے، اپوزیشن تحریک کے پیچھے غیرملکی ہاتھ ہوسکتاہے جس کی وجہ سے ان کو اعتماد مل رہاہے ،وزیراعظم نے کہا کہ اسرائیل کو تسلیم کرنے کیلئے کسی نے دباﺅ نہیں ڈالا ، ہمارے کچھ لوگوں کی سوچ امریکی صدر ٹرمپ جیسی ہے