ٹرمپ نے دوسروںکو امریکا کا مذاق اڑا نے کا موقع دیا

 کینیڈا جیسے کچھ اتحادیوں نے بھی ہماری جمہوریت کا مذاق اڑا یا،رکن کانگریس
واشنگٹن (نیوز ڈیسک)امریکا کے سابق صدر ٹرمپ کے مواخذہ کی کارروائی کے دوران ایوان نمائندگان کے منتخب پراسیکیوٹر جواکین کیسٹرو نے کہا کہ ٹرمپ کی جانب سے کیپٹل ہل پر حملے کے لئے اکساناباعث بنا کہ ایران، روس اور چین حتی امریکا کے کینیڈا جیسے کچھ اتحادی بھی ہماری جمہوریت کا مذاق اڑائیں، انہوں نے کانگریس کی عمارت پر ٹرمپ کے حامیوں کے حملے پر ردعمل میں ایرانی سپریم لیڈر آیت اللہ خامنہ ای کے بیانات کی جانب اشارہ کرتے ہوئے کہا کہ انہوں نے صدر ٹرمپ کے ذریعے شورش کے لئے اکسانے کی بنا پر امریکا کا مذاق اڑایا۔