محسن فخری زادہ کا قتل غیر قانونی اور مجرمانہ ہے،اقوام متحدہ

فریقین علا قے میں کشیدگی بڑھنے کا باعث بنے والے اقدامات سے گریز کریں
نیویارک (نیو ز ڈیسک)اقوام متحدہ کے سیکریٹری جنرل انتونیو گوتریس نے محسن فخری زادہ کے قتل پررد عمل کا اظہار کرتے ہوئے فریقین سے صبر و تحمل کا مظاہرہ کرنے اور ہر اس اقدام سے جو علاقے میں کشیدگی بڑھنے کا باعث بنے اجتناب کرنے کی اپیل کی ، اقوام متحدہ کی خصوصی رپورٹرایگنس کالامارڈ نے ممتاز ایرانی سائنسدان محسن فخری زادہ کی ٹارگٹ کلنگ پر تبصرہ کرتے ہوئے اس اقدام کو غیر قانونی اور مجرمانہ قرار دیا ہے ،یہ قتل نہ صرف غیر قانونی بلکہ غیر انسانی اقدام بھی ہے ، ملکی سرحدوں اور باقاعدہ جنگ کی حدود سے باہر ہونے والی مسلح لڑائی نہ صرف ان عالمی قوانین اور انسانی حقوق کی کھلی خلاف ورزی ہے ،جو صوابدیدی طور پر زندگی کے خاتمے سے روکتے ہیں بلکہ اقوام متحدہ کے آئین کے بھی خلاف ہے، جو امن و امان کے زمانے میں سرحدوں سے باہر طاقت کے استعمال سے روکتا ہے۔