قطر کی ایران اور امریکا میں ثالثی کی خبروں کی تردید

 امریکا نے ایٹمی معاہدے میں واپسی کیلئے کوئی اقدام نہیں اٹھایا،قطر
 دوحہ(نیوز ڈیسک)قطر نے ایران اور امریکا میں ثالثی کی خبروں کی تردید کردی،قطری وزیر خارجہ محمد بن عبدالرحمن آل ثانی نے کہا ہے کہ ایران اور امریکا کے درمیان بڑھتی ہوئی کشیدگی کسی خاص طور پرعلاقائی ممالک کے مفاد میں نہیں اور قطر اس تنازع کو نہیں چاہتا ہے،انہوں نے قطر کی ثالثی کی کوششوں سے متعلق کہا کہ آج تک اس سلسلے میں دوحہ حکومت کی جانب سے کوئی کوشش نہیں کی گئی،جوہری معاہدے میں واپسی کے لئے نئی امریکی انتظامیہ کے مثبت اقدامات سے متعلق سوال پر آل ثانی نے کہا کہ امریکا نے ایٹمی معاہدے میں واپسی کیلئے کوئی اقدام نہیں اٹھایا ہے