غزہ میں نسل کشی ہوئی ہے، احتساب ہونا چائیے، ایمنسٹی

نیویارک: ایمنسٹی انٹرنیشنل کی سربراہ ایگنیس کالمارڈ نے کہاہے کہ غزہ میں نسل کشی ہوئی ہے۔ احتساب ہونا چاہیئے۔ ایگنیس کالمارڈ نے الجزیرہ کو انٹرویو میں کہا کہ غزہ میں جنگ بندی کا مطلب یہ نہیں کہ گزشتہ 15 ماہ کے دوران جو کچھ ہوا ہے اسے فراموش کر دیا جائے۔ انہوں نے کہا کہ درحقیقت اگر آپ کو مستقبل کا کوئی احساس ہے تو آپ کو ماضی کا احتساب کرنا ہوگا۔ ایمنسٹی کا بنیادی پیغام یہ ہے کہ نسل کشی کی گئی ہے اور اس کے لیے جوابدہی کی جانی چاہیے۔ انہوں نے کہا کہ اس میں کوئی شک نہیں کہ انسانی حقوق کی خلاف ورزیاں کی جا رہی ہیں، جن میں فلسطینیوں کی املاک کی غیر قانونی تباہی، غیر قانونی حراست اور جبری نقل مکانی شامل ہے۔ کیا یہ نسل کشی کے مترادف ہوگا؟ اس نتیجے پر پہنچنے میں مزید وقت لگے گا۔