عرب ممالک امریکا واسرائیل سے کسی خیر کی توقع نہ رکھیں، پیر اعجاز ہاشمی

 مسلم ممالک اسرائیل کے خلاف مشترکہ موقف اختیار کریں
 لاہور(پ ر ) جمعیت علمائے پاکستان کے مرکزی صدر اورنائب صدر متحدہ مجلس عمل پیرا عجازاحمد ہاشمی نے کہا ہے کہ فلسطین عربوں کا نہیں امت مسلمہ کا مسئلہ ہے۔قبلہ اول کی آزادی پر کوئی سودے بازی قبول نہیں کریں گے۔ عرب ممالک امریکا اور اسرائیل سے کسی خیر کی توقع نہ رکھیں۔ ایران سے انہیں کوئی خطرہ نہیں۔ اسلامی ممالک اپنے سفارتی تعلقات مضبوط بنائیں ، انہیں کسی کی مدد کی ضرورت نہیں پڑے گی۔اسرائیل کی ناجائز ریاست کو تسلیم کروانے کے لئے فلسطینیوں کے خون کی تجارت نہیں ہونے دیں گے ، او آئی سی اسرائیل کو تسلیم کر نے والے مسلم ممالک کی ممبر شپ ختم کرے اور جو ایسا کرنا چاہتے ہیں، ان سے وضاحت طلب کرکے انہیں منع کیا جائے ۔پیر اعجاز ہاشمی نے زوردیا کہ مسلم ممالک اسرائیل کے خلاف مشترکہ موقف اختیار کریں۔ اسرائیل تاریخی اور سیاسی اعتبار سے ایک ناجائز ریاست ہے ۔ہم قبلہ اول پر یہودیوں کا قبضہ تسلیم نہیں کرتے۔بیت المقدس کی آزادی کے لئے اسلامی ممالک کو مشترکہ فورس تشکیل دینی چاہیے