عرب حکومتیں کبھی فلسطینیوں کے ساتھ نہیں رہیں ،حزب اللہ

اسرائیل کے ساتھ تعلقات قائم کر کے عرب حکومتوں نے اپنا اصلی چہرہ دکھا دیا
بیروت (نیوز ڈیسک) حزب اللہ کے ڈپٹی جنرل سیکریٹری شیخ نعیم قاسم نے کہا ہے کہ خطے کی غدار عرب حکومتیں کبھی بھی فلسطینیوں کے ساتھ نہیں رہیں اور نہ ہی انھوں نے کبھی استقامتی محاذ کا ساتھ دیا ، فلسطینیوں کی پہلی تحریک انتفاضہ کی سالگرہ کے موقع پرشیخ نعیم نے کہا کہ صیہونی حکومت نے برسوں سے فلسطینیوں کے حقوق غصب کر رکھے ہیں لیکن فلسطینیوں کی ہر نسل نے فلسطینی کاز کی حفاظت کی ہے اور اسے زندہ رکھا ہے، اسرائیل کے ساتھ تعلقات قائم کر کے عرب حکومتوں نے اپنا اصلی چہرہ دکھا دیا ہے لیکن استقامتی محاذ، توازن قائم رکھنے کے لیے لبنان، فلسطین اور خطے میں اپنی طاقت بڑھائے گا