برطانیہ: 133 ممبران کی سینچری ڈیل کی مخالفت

منصوبے نے بین الاقوامی قوانین کو خطرات سے دوچار کردیا
لندن(نیو ز ڈیسک) برطانوی پارلیمنٹ کے 133 ممبران نے ٹرمپ کی سینچری ڈیل کی مخالفت کردی اور وزیراعظم بورس جانسن کے نام خط میں مطالبہ کیا کہ وہ امریکی منصوبے کو مسترد کردیں، ممبران پارلیمنٹ نے سینچری ڈیل کو ملت فلسطین کے حقوق اور بین الاقوامی قوانین پر کاری ضرب قرار دیا،خط میں لکھا گیا ہے کہ سینچری ڈیل نے مذاکرات کی بحالی کے لئے کوئی منطقی اصول فراہم نہیں کیا بلکہ قیام امن کے مواقع کم کردیئے اور بین الاقوامی قوانین کو خطرات سے دوچار کردیا ہے،منصوبے کی ایسے وقت رونمائی ہوئی جب اسرائیلی فوجیوں کے ہاتھوں گھروں کو ڈھانے سے فلسطینی عوام کی پریشانیاں بڑھ گئی ہیں اور انھیں دربدری اور بے سروسامانی کا سامنا ہے۔