ایران نے اسرائیل پر کاری وار لگائے، موساد عہدیدار کا اعتراف

ایران انتقام ضرور لے گا، وہ اسرائیل کے اندر بھی کارروائی کی توانائی رکھتا ہے
تل ابیب (نیوز ڈیسک) بدنام زمانہ صیہونی جاسوس تنظیم موساد کے سابق اعلی عہدیدار نے صیہونی ٹی وی کے دستاویزی پروگرام میں اعتراف کیا ہے کہ ا یران نے اسرائیل پر انتہائی مہلک وار کئے ہیں جن سے ہماری رائے عامہ واقف نہیں ، دستاویزی پروگرام میں ایران کے ایٹمی سائنسداں محسن فخری زادہ پر حملے کی تصویر کشی کی گئی، موساد کے ایک سابق اعلی عہدیدار رام بن بارک نے کہا کہ ایرانی کافی ہوشیار، تجربہ کار اور محنتی ہیں ، اسرائیل نے ماضی میں کئی مرتبہ ایرانیوں کے ہاتھوں مار کھائی ہے لیکن اسرائیلی عوام اس بات سے ناواقف ہیں ،بالکل بعید نہیں کہ تہران اسرائیل کے خلاف انتقامی کاروائی کرے، لیکن ضروری نہیں کہ یہ کاروائی اسرائیل کے اندر کی جائے، البتہ تہران میں یہ توانائی موجود ہے کہ وہ اسرائیل کے اندر اس قسم کی کوئی بھی کاروائی کرے