امریکا نے ایران کیلئے ویکسین خریدنا بھی انتہائی مشکل بنادیا

رکاوٹوں کی وجہ سے ضروری فنڈز کی منتقلی نہیں ہوسکی، سینٹرل بینک
 تہران(نیوز ڈیسک) امریکی پابندیوں نے ایران کیلئے عالمی ادارہ صحت کے ذریعہ کورونا ویکسین کی خریداری بھی انتہائی مشکل بنادی، ایران کے سینٹرل بینک کے گورنر عبدالناصر نے کہا ہے کہ ویکسین کی خریداری کوویکس سے سرکاری طور پر ڈبلیو ایچ او کے ذریعہ کرنی ہوگی،امریکی حکومت کی غیر انسانی پابندیوں اور امریکی محکمہ خزانہ سے اجازت کی شرط کی وجہ سے اب تک ضروری فنڈز کی منتقلی کے لئے ہماری تمام کوششوں میں رکاوٹ پیدا کردی گئی ہے، امریکا کے دباو ¿ اور دھمکیوں کی وجہ سے بین الاقوامی مالیاتی فنڈ نے ایران کو انسانی قرض دینے سے انکار کردیا ہے، اس کے باوجود ایران فنڈ منتقل کرنے کے دیگر ذریعہ اور ویکسین حاصل کرنے کے متبادل راستے تلاش کرنے کی کوشش کررہا ہے