امریکا افغان مسئلہ کا اصل مجرم ہے، چین

بیجنگ : چین نے امریکا کو افغان مسئلہ کا اصل مجرم قرار دے دیا، چینی وزارت خارجہ نے نیوز بریفنگ میں کہا کہ افغانستان میں جنگ اور برادر کشی کی ذمہ داری امریکا پر عائد ہوتی ہے، امریکا نے افغانستان میں اپنی ذمہ داریاں نظر انداز کیں اور اپنی تمام غلطیوں کا ملبہ افغان عوام اور خطے کے دیگر ممالک پر ڈال دیا، امریکا ہمیشہ ذاتی مفاد کو ہی ترجیح دیتا ہے، ترجمان نے کہا کہ امریکا نے افغانستان میں امن قائم کرنے کے بجائے ملک کو نقصان پہنچایا اور افغانستان میں رہتے ہوئے افغان عوام کو کچھ نہیں دیا، افغانستان میں اقتدار کی پر امن منتقلی ممکن بنانا ہو گی ، انہوں نے اس عزم کا اظہار کیاکہ چین افغانستان میں کردار ادا کرتا رہے گا.