امریکاکو ایٹمی معاہدہ میں واپس آنا ہی ہوگا، چین

بیجنگ : چین کے وزیر خارجہ نے بین الاقوامی ایٹمی معاہدے میں امریکا کی فوری طور پر واپسی کی ضرورت پر زور دیا ہے ، وانگ یی نے ایک بیان میں بین الاقوامی ایٹمی معاہدے سے امریکا کی یکطرفہ علیحدگی اور ایران کے خلاف زیادہ سے زیادہ دباؤ کی پالیسی کو ایران کے ایٹمی مسئلے کی بنیادی وجہ قرار دیا اور بین الاقوامی ایٹمی معاہدے میں امریکا کی فوری طور پر واپسی کی ضرورت پر زور دیا، انہوں نے کہا کہ امریکا کو چاہئے کہ ایٹمی معاہدے سے علیحدگی جیسی اپنی غلطی کی اصلاح کرے، ایٹمی معاہدے کی بحالی کے لئے ویانا میں مذاکرات کے6 دور مکمل ہو چکے ہیں مگر امریکا اب تک معاہدے میں واپسی سے متعلق فیصلہ نہیں کر سکا۔