الحاقی منصوبہ فلسطینیوں کے حقوق پرشب خون ہے ، الجہاد الاسلامی

فلسطین کی مکمل آزادی تک صہیونی رژیم کے خلاف جدوجہد جاری رہے گی
مقبوضہ بیت المقدس(نیوز ڈیسک) تحریک الجہاد الاسلامی فی فلسطین نے فلسطینی اراضی کے اسرائیل کے ساتھ الحاق کے صہیونی منصوبے کو فلسطینی قوم کے حقوق پر مارا جانے والا "شب خون” قرار دیا ہے، تحریک کے ترجمان مصعب البریم نے کہا ہے کہ یہ ایسا شب خون ہے جس کی پوری تاریخ میں کوئی مثال نہیں ملتی، انہوں نے غاصب صہیونی دشمن کی سازشوں کے مقابلے میں فلسطینی مزاحمتی محاذ کی بھرپور دفاعی صلاحیت پر زور دیتے ہوئے کہا کہ تمام فلسطینی مزاحمتی گروہ سیسہ پلائی ہوئی دیوار کے مانند غاصب صہیونی رژیم کے "الحاقی منصوبے” کا ڈٹ کر مقابلہ کریں گے۔ جہاد اسلامی فلسطین کے ترجمان نے کہا کہ پورے فلسطین کی مکمل آزادی تک غاصب صہیونی رژیم کے خلاف جدوجہد جاری رہے گی۔