Raza Musani 
کابل : طالبان نے افغان فورسز کی فوجی برتری ختم کرنے کیلئے پائلٹس کی ٹارگٹ کلنگ شروع کردی چند ماہ کے دوران 7افغان جنگی پائلٹس قتل کئے جاچکے ہیں، طالبان ترجمان ذبیح اللّٰہ مجاہد نے افغان پائلٹس کی ٹارگٹ کلنگ کی تصدیق کرتے ہوئے اس کامقصد عسکری برابری کا حصول قرار دیا اور کہا کہ افغان پائلٹوں کو قتل کرنے کی پالیسی اس لیے اپنائی گئی ہے کیونکہ وہ سب اپنے ہی لوگوں پر بمباری کرتے ہیں، میڈیا کے مطابق طالبان کے زمینی حملے جاری ہیں لیکن اُن کے پاس فضائی طاقت نہیں ہے، اس لیے وہ افغان فضائیہ کو ناکارہ بنانا چاہتے ہیں، سینیئر افغان اہلکار کا کہنا ہے کہ طالبان کی ہٹ لسٹ میں سب سے اُوپر افغان پائلٹس ہیں کیونکہ امریکہ اور نیٹو کے تربیت یافتہ افغان جنگی پائلٹ ملک کا سب سے قیمتی اثاثہ ہیں، فضائی مشن کے مقابلے میں ان پائلٹوں کی زندگی ایئر بیس کے باہر زیادہ خطرے میں ہوتی ہے، اس ضمن میں افغان پائلٹس اور اُن کے اہل خانہ کی حفاظت کے لیے اقدامات کیے جا رہے ہیں۔
