اسلامی تحریک پاکستان گلگت بلتستان نے 18 ستمبر بروز جمعہ پورے جی بی میں مردہ باد یزیدیت ریلیوں اور جلسوں کا اعلان کر دیا۔ آئی ٹی پی جی بی کے صدر سید عباس رضوی کی زیر صدارت پارٹی کا اہم اجلاس اسکردو میں ہوا۔ اجلاس میں حالیہ دنوں ملک میں فرقہ وارانہ تصادم پیدا کرنے کی سازش کیخلاف حکمت عملی پر غور کیا گیا۔ اجلاس میں کہا گیا کہ ناموس اہل بیت علیھم السلام کے لیے ہر قسم کی قربانی دینے سے دریغ نہیں کیا جائے گا اور تکفیریت کی جہالت اور حکومت کی مجرمانہ چشم پوشی کے خلاف منظم انداز میں پورے گلگت بلتستان میں یزیدیت مردہ باد ریلیوں اور جلسوں کا انعقاد کیا جائے گا۔ اجلاس میں کہا گیا کہ کارکن تمام مقامات اور اضلاع میں بھرپور احتجاج ریکارڈ کرائیں۔
