اسرائیل کو حوصلہ شکن سبق سکھانا ہوگا، ایران ترکی

ترکی اور ایرانی صدور میں رابطہ،غزہ کی صورتحال پر بات چیت
تہران (نیوز ڈیسک) ترک صدر رجب طبیب اردوان اور ایرانی ہم منصب حسن روحانی میں ٹیلیفونک رابطہ ہوا جس میں اسرائیلی جارحیت اور غزہ کی صورتحال پربات چیت کی گئی،رابطے سے متعلق اعلامیہ میں کہا گیا ہے کہ اسرائیلی جنگی حملوں کے جواب میں بین الاقوامی برادری کو اسرائیل کو مضبوط اور حوصلہ شکن سبق سکھانا چاہیے، اسرائیلی جارحیت کے خلاف عالم اسلام کا سیسہ پلائی دیوار بن کر لفظی و عملی اتحاد کا مظاہرہ کرنا ناگزیر ہے، ایرانی صدر نے کہا کہ مسئلہ فلسطین اب بھی امتِ مسلمہ کا سب سے اہم مشترکہ مسئلہ ہے ، اسرائیل کے جرائم سے نمٹنے، وحشیانہ حملوں کی روک تھام اور فلسطینی عوام کا دفاع وقت کی ضرورت ہے،حسن روحانی نے یہ بھی کہا کہ اسرائیلی جرائم کے خلاف اقوام متحدہ اور اسلامی تعاون تنظیم کی صلاحیتوں کو بروئے کار لانا ہوگا۔