اسرائیل فلسطین تنازع علاقائی کشیدگی کا سب سے بڑا منبع

 تنازع کا پرامن حل دوریاستوں کے قیام میں مضمر ہے،اردنی وزیر خارجہ
عمان (نیوز ڈیسک) اردنی وزیرخارجہ ایمن الصفدی نے کہا ہے کہ اسرائیلی فلسطینی تنازع کا پرامن حل دوریاستوں کے قیام میں مضمر ہے،مناما کانفرنس سے خطاب میں اردنی وزیرخارجہ نے کہاکہ اسرائیلی، فلسطینی تنازع خطے میں کشیدگی کا سب سے بڑا منبع ہے اور اسی کے بطن سے مشرقِ اوسط میں موجود دوسرے تنازعات نے جنم لیا ہے ،متحدہ عرب امارات اور اسرائیل کے درمیان ستمبر میں طے شدہ معاہدہ ابراہیم کو فلسطین،اسرائیل تنازع کے حل کیلئے سازگار حالات پیدا کرنے چاہئیں، خطے میں جاری بہت سے تنازعات کے حل کے لیے سب ممالک کو مل جل کر سوچنے ،اکٹھے منصوبہ بندی اور مل جل کر ہی اقدام کرنے کی ضرورت ہے