اسرائیل سے تعلقات کا قیام اسکے مفادات کا تحفظ قرار

یہ عمل ا سرائیل کو جارحیت کیلئے مزید گستاخ بنانے کا باعث بن سکتا ہے،حماس
غزہ (نیوز ڈیسک) حماس نے مقبوضہ فلسطین میں بحرینی سفیر کی تعیناتی کی مذمت کرتے ہوئے اسے اسرائیل کی خدمت قرار دیا ہے، حماس کے ترجمان حازم قاسم نے ایک انٹرویو میں کہا کہ اسرائیل کے ساتھ تعلقات کی برقراری دراصل علاقے میں اسرائیل کے مفادات کی حفاظت کرنا ہے اور یہ عرب قوم اور فلسطینی کاز کو نقصان پہنچانے اور صہیونی حکومت کو فلسطینی عوام کے خلاف اسرائیلی جارحیت کیلئے مزید گستاخ بنانے کا باعث بن سکتا ہے واضح رہے کہ بحرین کے شاہ حمد بن عیسیٰ آل خلیفہ نے اسرائیل کے لئے پہلے سفیر کی منظوری دے دی ہے۔