گلگت میں فرقہ پرستوں کو شرمناک شکست ، اسلامی تحریک بھی ناکام

 اہلسنت کے مساجد بورڈ کا حلقہ ایک سے مولانا سلطان رئیس کی حمایت کا اعلان، کالعدم سپاہ صحابہ، مسلم لیگ ن سمیت تمام اہلسنت امیدواردستبردار ہوگئے
 آغا راحت حسین الحسینی نے پیپلزپارٹی کے امجد حسین کی حمایت کردی، ایک فیصلے سے فرقہ پرستوں کو شکست ،تحریک اسلامی نگر میں اپنے گڑھ میں ہارگئی
گلگت (نیوز ڈیسک) گلگت کے امام جمعہ و معروف مذہبی شخصیت آغا راحت حسین الحسینی کے فیصلے نے تکفیریوں کو شرمناک شکست سے دوچار کردیااور اہلسنت کے مساجد بورڈ نے گلگت حلقہ ایک سے مولانا سلطان رئیس کی حمایت کا اعلان کیا تھا جس کے بعد کالعدم سپاہ صحابہ، مسلم لیگ ن ، جمعیت علمائے اسلام ف سمیت تمام اہلسنت امیدوار ایک ہی رات میں دستبردار ہوگئے، جس کے بعد حلقے میں عوامی ایکشن کمیٹی کے معتدل رہنما مولانا سلطان رئیس کی کامیابی یقینی نظر آرہی تھی ،کیونکہ شیعہ ووٹ پیپلزپارٹی ،تحریک انصاف اور اسلامی تحریک کے درمیان تقسیم ہونے کا خطرہ تھا،تمام اہلسنت امیدواروں کے دستبردار ہونے کے بعد آغا راحت حسین الحسینی نے عوام سے اسلامی تحریک کے مصطفی شاہ اور پاکستان تحریک انصاف کے جوہر حسین کے بجائے پیپلزپارٹی کے کے صوبائی صدر امجد حسین ایڈوکیٹ کو ووٹ دینے کی ہدایت کی جس کی وجہ سے وہ 11ہزار 178ووٹ لیکر جیت گئے،جبکہ آزاد امیدوار سلطان رئیس 8356 ووٹ لےکردوسرے نمبرپر رہے،مولانا سلطان رئیس نے عوامی ایکشن کمیٹی کے پلیٹ فارم سے ایم ڈبلیو ایم کے صوبائی سربراہ سید علی رضوی کے ساتھ مل کر فرقہ وارانہ ہم آہنگی کیلئے اہم کردار ادا کیا ہے لیکن حالیہ انتخابات میں مسلکی کارڈ کے استعمال کی وجہ سے انہیں نقصان پہنچا، آغا راحت حسین الحسینی کی امجد حسین کی حمایت کا نقصان اسلامی تحریک کو بھی پہنچا وہ نگر جی بی اے چارنگر ایک میں اپنے گڑھ میں ہارگئی ،امجد حسین 6104 کے مقابلہ میں ایوب وزیری کو5606 ووٹ لیکر بھی شکست سے دوچار ہونا پڑا، امجد حسین کے دو حلقوں میں کامیابی کی وجہ سے انہیں ایک سیٹ چھوڑنا ´ہوگی اور توقع ہے کہ وہ نگر کی سیٹ خالی کردیں گے