Raza Musani 
کوئٹہ: بلوچستان کے علاقہ مستونگ میں آپریشن کے دوران 11 تکفیری دہشت گرد مارے گئے سی ٹی ڈی نے کالعدم تنظیم داعش کے دہشت گرد عبدالحئی کی نشاندہی پرضلع مستونگ کے علاقے کلی قمر مزار آباد میں دہشتگردوں کے ٹھکانے پر کارروائی کی۔ دہشت گردوں نے سی ٹی ڈی پارٹی پر اندھا دھند فائرنگ کی اور دستی بم پھینکے فائرنگ کے تبادلے میں 11 دہشت گرد مارے گئے۔ دہشتگرد کیمپ کو مستقبل قریب میں داعش کے مرکز اور لانچنگ پیڈ کے طور پر استعمال کرنا چاہتے تھے دہشت گردوں کے ٹھکانے سے 4 ایس ایم جی،80 راؤنڈز کے ساتھ ایک ایل ایم جی،2 خودکش جیکٹس،3 نائن ایم ایم پستول،15 کلو گرام دھماکاخیز مواد اور 8 دستی بم برآمد کئے گئے۔
