ماہ رمضان میں بھی صیہونی درندگی جاری، فلسطینی نوجوان شہید

مقبوضہ بیت المقدس : صیہونی فورسز نے ماہ رمضان میں بھی اپنی درندگی کا سلسلہ جاری رکھا ہوا ہے۔ مقبوضہ مغربی کنارے میں اسرائیلی فوج کی فائرنگ سے فلسطینی نوجوان شہید ہوگیا۔ فلسطینی وزارت صحت کا کہنا ہے کہ اسرائیلی فورسز نے 25 سالہ عامر عماد ابو خدیجہ کو تولکارم کے علاقے میں جارحیت کا نشانہ بنایا۔ انہیں سر اور سینے پر گولیاں ماری گئیں۔ یہ موجودہ رمضان المبارک میں اسرائیلی فورسز کے ہاتھوں پہلی شہادت ہے جبکہ رواں برس اب تک صہیونی فورسز کی فائرنگ میں اب تک 87 فلسطینی شہید ہوچکے ہیں جن میں مزاحمت کار اور شہری دونوں شامل ہیں۔