تنازعات سے بچنے کیلئے امریکا عراق سے نکل جائے، مقتدیٰ الصدر

چاہے خون دینا پڑے صیہونیوں سے تعلقات کو معمول پر نہیں آنے دیں گے
بغداد(نیوز ڈیسک)عراق میں صدر تحریک کے رہنما مقتدی الصدر کا کہنا تھا کہ قابض امریکا کو سفارت کاری اور پارلیمنٹ کے ذریعے عراق چھوڑنا چاہئے تاکہ عراق بین الاقوامی اور علاقائی تنازعات کی جگہ نہ بن سکے ،بغداد میں نیوزکانفرنس کے دوران مقتدی الصدر نے زور دیا کہ عراقی حکومت کا اختیار برقرار رکھنا چاہئے، اس اختیار کو مجروح نہیں کیا جانا چاہئے اور تمام ممالک کو اس معاملے کا احترام کرنا چاہئے، میں فوج ، پولیس اور دیگر سکیورٹی فورسز میں اپنے بھائیوں پر حملوں پر خاموش نہیں رہوں گا ، انہوں نے صیہونی حکومت کے ساتھ تعلقات کو معمول پر لانے کے معاملے پر توجہ دلائی اور کہا کہ پارلیمنٹ کو ایسا ہونے سے روکنا چاہئے،ہم کبھی بھی حالت میں صیہونیوں کے ساتھ تعلقات کو معمول پر نہیں آنے دیں گے چاہے اس کے لئے ہمیں خون ہی کیوں نہ دینا پڑے