Raza Musani 
کراچی : پاکستان میں نوحہ خوانی کا ایک اور سنہرا باب ہمیشہ کیلئے بند ہوگیا۔ معروف نوحہ خواں سید ناصر حسین زیدی کراچی میں انتقال کرگئے۔ وہ کافی عرصے سے گردوں کے عارضے میں مبتلا اور کراچی کے نجی اسپتال میں زیرعلاج تھے۔ ناصر زیدی 80 اور 90 کی دہائی میں ندیم سرور کےعصرمیں نوحہ خوانی کے افق پرروشن ستارے کی مانند ابھرے۔ پیاسی ہے سکینہ ؑ کے عنوان سے شہرہ آفاق کلام دنیا بھر میں ان کی پہنچان بنا۔ ناصرحسین زیدی مرحوم معروف ذاکر اہل بیت ؑ علامہ عرفان حیدر عابدی مرحوم اور علامہ فرقان حیدر عابدی کے برادر نسبتی تھے۔ معروف نوحہ خواں رضا عباس زیدی ان کے بھتیجے ہیں۔
مرحوم کی نماز جنازہ شہدائے کربلا انچولی میں ادا کی گئی جس میں کئی نوحہ خواں, علما ذاکرین مرثیہ خواں اور زندگی کے مختلف شعبوں سے تغلق رکھنے والے افراد شریک ہوئے میت کوبڑے جلوس کی شکل میں وادی حسین(ع) لے جایا گیا اور سینکڑوں سوگواروں کی موجودگی میں سپرد لحد کردیا گیا.
