Raza Musani 
جنیوا: اقوام متحدہ کی انسانی حقوق کی ماہر نے فلسطینیوں کی بڑے پیمانے پر نسل کشی کا خدشہ ظاہر کردیا۔ انسانی حقوق کی صورتحال سے متعلق اقوام متحدہ کی خصوصی نمائندہ فرانسسکا البانی نے خبردار کیا ہے کہ فلسطینیوں کو بڑے پیمانے پر نسل کشی کا شدید خطرہ لاحق ہے۔ اور اس نے عالمی برادری سے جنگ بندی کے لیے ثالثی کا مطالبہ کیا ہے۔انہوں نے کہا کہ مقبوضہ فلسطینی علاقے اور اسرائیل کی صورتحال انتہائی سطح پر پہنچ چکی ہے۔ انہوں نے کہاکہ اس بات کا شدید خطرہ ہے کہ ہم جس چیز کا مشاہدہ کر رہے ہیں وہ 1948 کے نقبہ اور 1967 کے نکسا کا بڑے پیمانے پر اعادہ ہو سکتا ہے۔ عالمی برادری کو اس کو روکنے کے لیے ہر ممکن اقدام کرنا چاہیے۔
