آئندہ الیکشن میں امریکا کو سبق سکھائیں گے، ترک صدر

انقرہ: ترک صدر رجب طیب اردوان نے آئندہ الیکشن میں امریکا کو سبق سکھانے کی دھمکی دیدی۔ ترک صدر رجب طیب اردوآن نے امریکی سفیر جیف فلیک کے اپنے اہم انتخابی حریف کمال کلیچ دار اوغلو سے ملاقات پر تنقید کی اور کہاکہ آپ ایک سفیر ہیں۔ آپ اب صدر سے ملاقات کیسے کریں گے؟۔ اردوآن کا دروازہ آپ کے لیے بند کر دیا گیا آپ کو اپنی حد کا پتہ چل جائے گا۔ آپ کو سفیر کی حیثیت سے اپنا فرض معلوم ہوگا۔ آپ سیکھیں گے کہ سفیر کیسے کام کرتا ہے۔ اردوان نے کہا کہ آئندہ انتخابات کے نتائج امریکہ کے لیے ایک سبق ہونے چاہئیں۔ ہمیں 14 مئی کے انتخابات میں امریکہ کو سبق سکھانا ہوگا۔