Raza Musani 
اسٹاک ہوم : سوئیڈن حکومت نے قرآن پاک اور دوسری مقدس کتابوں کی توہین کو غیر قانونی قرار دینے پر غور شروع کردیا۔ سویڈن کے وزیر انصاف گوناراسٹرومر نے ایک انٹرویو میں کہا کہ حکومت قرآن جلانے کے واقعہ کے بعد پیدا ہونے والی صورتحال کا جائزہ لے رہی ہے۔ ہمیں خود سے پوچھنا چاہیے کہ موجودہ صورتحال کے بعد قوانین میں تبدیلی کرنا ضروری ہے یا نہیں۔ سویڈش وزیر انصاف کا مزید کہنا تھا کہ حالیہ واقعات سے سویڈن کی داخلی سلامتی کے لیے خطرات میں اضافہ ہوا ہے اور سویڈن کے حملوں کا ترجیحی ہدف بننے کا امکان بڑھ گیا ہے۔
ادھر سویڈن میں پولیس کو درخواستیں موصول ہو رہی ہیں کہ قران اور دوسری مذہبی کتابیں جلانے کی اجازت دی جائے۔ اسٹاک ہوم میں کسی شخص نے درخواست دی ہے کہ مسجد کے باہر قران جلانے کی اجازت دی جائے۔ جبکہ ایک اور درخواست ملی ہے جس میں اسرائیلی سفارتخانے کے سامنے تورات اور انجیل کو جلانے کی اجازت طلب کی گئی ہے۔
