طالبان کی جانب سے خواتین امدادی کارکنوں پر پابندی امدادی کاموں کیلئے تباہ کن ہے، اقوام متحدہ

ویانا : اقوام متحدہ نے خبردار کیا ہے کہ طالبان کی جانب سے خواتین امدادی کارکنوں پر پابندی اہم انسانی امداد کے منصوبوں کے بہت بڑا دھچکا ثابت ہو سکتی ہے۔ اقوام متحدہ کے شعبہ انسانی ہمدردی کے سربراہ مارٹن گریفتھس نے اگر طالبان اپنے حکم میں استثنٰی کی گنجائش پیدا نہیں کرتے تو یہ تباہ کن ہو گا۔ ان کامزید کہنا تھا کہ بین الاقوامی امدادی گروپس پر مشتمل وفد نے افغانسان کے وزرائے خارجہ وخزانہ سمیت دیگر نوحکام کےساتھ ملاقات میں انہیں قائل کرنے کی کوشش کی کہ خواتین انسانی امداد کے پروگراموں میں خواتین کی شرکت بہت اہم ہے۔ ہمیں کہا گیا کہ آپ کچھ انتظار کریں، خواتین کی امدادی کاموں میں شرکت کے حوالے سے طالبان حکام اصول وضع کر رہے ہیں جن سے آپ کو آگاہ کر دیا جائے گا۔ طالبان کی جانب سے مسلسل یہ پیغام دیا جا رہا ہے کہ خواتین کے لیے کام کی گنجائش ہو گی جو کہ بہت اہم ہے۔