سوڈان، سعودی عرب کا بڑا انخلاء آپریشن، 1886 افراد منتقل

جدہ : سعودی عرب نے سوڈان سے انخلا کا سب سے بڑا آپریشن کرتے ہوئے اٹھارہ سو سے زائد غیرملکیوں کو جدہ منتقل کردیا۔ سعودی عرب نے بحری راستے سے 1886 غیر ملکیوں کو پورٹ سوڈان سے جدہ پہنچایا۔ جس کے بعد سعودی عرب منتقل کئے گئے افراد کی تعداد تعداد چار ہزار 879 ہو گئی ہے۔ ان میں 139 سعودی شہری شامل ہیں۔ دیگر غیر ملکیوں کا تعلق پاکستان۔ ہندوستان۔ امریکا۔ آسٹریلیا ۔جرمنی سمیت ساٹھ سے زائد ممالک سے ہے۔ اقوام متحدہ کے عملے کو بھی جدہ منتقل کیا گیا ہے۔ ادھر متحدہ عرب امارات نے اپنے شہریوں اور دوسرے غیر ملکیوں کو خصوصی طیارے کے ذریعے کامیابی سے ابوظہبی منتقل کردیا ہے۔ برطانوی اور امریکی شہریوں سمیت 128 افراد سوڈانی دارالحکومت خرطوم سے ابوظہبی پہنچے ہیں جہاں حکام نے ان کا استقبال کیا۔ برطانیہ نے سوڈان میں اپنا انخلا آپریشن مکمل کرلیا۔ ہفتے کی رات آخری پرواز سوڈان سے روانہ ہوئی۔ فارن آفس کے مطابق 21 پروازوں کے ذریعے 1,888 افراد کو سوڈان سے نکالا گیا ہے۔ جس میں برطانوی شہری اور ان کے زیر کفالت افراد شامل ہیں۔