مشی گن کی یونیورسٹی میں فائرنگ، 3 افراد ہلاک، 5 زخمی

نیویارک : امریکی ریاست مشی گن کی یونیورسٹی میں فائرنگ سے 3 افراد ہلاک اور 5 زخمی ہو گئے۔ مشی گن کی اسٹیٹ یونیورسٹی میں دو مقامات اکیڈمک بلڈنگ اور یونین بلڈنگ میں فائرنگ کی گئی۔ گولیاں لگنے سے تین افراد ہلاک اور پانچ زخمی ہوگئے۔ سرچنگ کے دوران حملہ آور اور پولیس کے درمیان فائرنگ کا تبادلہ ہوا۔ حملہ آور نے سر پر گولی مار کراپنی زندگی کا خاتمہ کرلیا۔ یونیورسٹی انتظامیہ نے تمام کلاسز اور کیمپس کی سرگرمیاں 48 گھنٹوں کے لیے منسوخ کر دی ہیں۔ ادھر نیویارک میں ڈرائیور نے ٹرک راہگیروں پر چڑھادیا جس سے ایک شخص ہلاک اور 8 افراد زخمی ہوگئے۔ ایک زخمی کی حالت تشویش ناک بتائی جارہی ہے ۔ پولیس نے 62 سالہ ڈرائیور کو گرفتار کرلیا ہے دونوں واقعات کے محرکات سامنے نہیں آسکے۔