Raza Musani 
بیروت : حزب اللہ نے مغربی الجلیل میں غاصب صیہونی فوجی چھاونی پر گولہ باری کی ہے۔ یہ چھاؤنی حال ہی میں تعمیر کی گئی تھی۔ حزب اللہ نے متعدد میزائل مقبوضہ علاقے میں راس ناقورہ فوجی چھاونی پر فائر کئے۔ چھاؤنی پر دس میزائل داغے گئے۔ اسرائیل ٹی وی کے چینل 12 نے بھی مقبوضہ فلسطین کے شمال میں حزب اللہ کے حملے کی تصدیق کی ہے اور اعلان کیا ہے کہ حزب اللہ نے مغربی الجلیل کے شمال میں راس نقورا کے فوجی اڈے کو نشانہ بنایا ہے اس سے پہلے حزب اللہ نے مغربی الجلیل کے علاقے لیمان میں مقامی فوجی ہیڈ کوارٹر پر گولہ باری کی جس کی وجہ سے صیہونیوں کو جانی و مالی نقصان ہوا ہے۔ جواب میں صیہونی فوج نے لبنان کے یارون اور عیتا الشعب علاقوں پر گولہ باری کی ہے۔
