Raza Musani 
برسلز : یورپی پارلیمنٹ نے اپنے اجلاس میں قرار داد پاس کرتے ہوئے فلسطین کو آزاد ملک تسلیم کرنے کے علاوہ اس بات پر تاکید کی کہ غرب اردن میں صیہونی بستیوں کی آبادکاری بین الاقوامی قوانین کی خلاف ورزی ہے لہذا اس سلسلے کو فوری بند کیا جائے۔ یورپی پارلیمنٹ نے دو ریاستی حل کے فارمولے کے تحت 1967 کی سرحدوں کے مطابق فلسطین کو آزاد ملک تسلیم کرنے کی قرارداد منظور کرلی ہے۔تفصیلات کے مطابق اسٹراسبرگ میں ہونے والے آخری پارلیمانی اجلاس میں یورپی ممالک نے اکثریت کے ساتھ فلسطین کو آزاد ملک تسلیم کرنے کا مطالبہ کیا ہے۔یورپی پارلیمنٹ نے بین الاقوامی قوانین کی رعایت پر زور دیتے ہوئے کہا ہے کہ یورپی یونین اسرائیلی اور فسلطینی عوام کے برابری حقوق کا قائل ہے۔ یورپی پارلیمنٹ نے یہ بھی مطالبہ کیا ہے کہ فلسطین میں قانون ساز اسمبلی اور فلسطینی اتھارٹی کے انتخابات جلد منعقد کئے جائیں اور صیہونی حکومت مشرقی بیت المقدس میں مقیم فلسطینیوں کو انتخابات کی اجازت دے۔اجلاس میں تاکید کی گئی کہ غرب اردن میں صیہونی بستیوں کی آبادکاری بین الاقوامی قوانین کی خلاف ورزی ہے لہذا اس سلسلے کو فوری بند کیا جائے۔
