بلوچستان میں سیکیورٹی فورسز کو خصوصی اختیارات، کسی کو بھی گرفتار کیا جاسکے گا

اسلام آباد: وفاقی حکومت نے بلوچستان میں سیکیورٹی فورسز کو خصوصی اختیارات دینے کا فیصلہ کرلیا۔ ذرائع کا کہنا ہے کہ کابینہ نے انسداد دہشت گردی ایکٹ 1997 میں ترمیم کی منظوری دے دی، ایکٹ میں ترمیم کےلیے قانون سازی کی جائے گی۔ وفاقی کابینہ نے ترمیم کی منظوری سمری سرکولیشن کے ذریعے حاصل کی، دہشت گردی کے شبہ میں کسی بھی مشکوک شخص کو حراست میں لیا جا سکے گا۔ ذرائع کا کہنا ہے کہ وفاقی کابینہ نے پاک فوج، سول آرمڈ فورسز۔ حکومت کو خصوصی اختیارات دینے کا فیصلہ کیا ہے۔ ترمیم سے سیکیورٹی فورسز کو دہشت گردی کےخلاف مزید مؤثر آپریشن کیلئے قانونی تحفظ ملے گا۔ ذرائع کا کہنا ہے کہ انٹیلی جنس ایجنسیز، قانون نافذ کرنے والوں پر مشتمل جے آئی ٹی بنائی جا سکیں گی۔