سعودی عرب ہماری مدد کرنا چاہتا تھا لیکن بائیڈن نے اُن کی عزت نہیں کی، ٹرمپ

واشنگٹن : سابق امریکی صدر ڈونلڈ ٹرمپ نے کہا ہے کہ سعودی عظیم لوگ ہیں اور وہ امریکہ کی مدد کرنا چاہتے تھے لیکن جوبائیڈن نے ولی عہد محمد بن سلمان سے مصافحہ نہ کرکے ان کی تضحیک کی۔ ڈونلڈ ٹرمپ نے چین کے صدر شی جن پنگ کو سب سے زیادہ ذہین شخص قرار دیتے ہوئے کہا کہ ’ان کے جیسا کوئی بھی نہیں ہے اور ہمارا بہترین تعلق ہے۔ انتخابات پر تبصرہ کرتے ہوئے ڈونلڈ ٹرمپ نے کہا کہ جو بائیڈن 2024 میں صدارتی انتخابات لڑتے ہوئے نہیں نظر آرہے۔ آئندہ انتخابات میں نائب صدر کملا ہیرس ممکنہ طور پر ڈیموکریٹ جماعت کی سربراہی کر سکتی ہیں لیکن میرے خیال میں انہوں نے بڑے اسٹیج پر اتنی اچھی پرفارمنس نہیں دی لیکن شاید میں غلط ہوں۔