ثانیہ مرزا بھارت کی پہلی مسلم خاتون فائٹر پائلٹ بن گئیں

نئی دہلی : بھارتی ریاست اترپردیش کی باصلاحیت نوجوان لڑکی ثانیہ مرزا نے پہلی مسلم خاتون فائٹر پائلٹ کا اعزاز حاصل کرلیا۔ ثانیہ کے والد ایک ٹی وی مکینیک ہیں۔ ثانیہ مرزا کا انتخاب ملک گیر سطح پر ہونے والے نیشنل ڈیفنس اکیڈمی کے امتحان میں ہوا۔ فائٹر پائلٹ میں خواتین کے لیے صرف دو نشستیں مخصوص تھیں۔ایک نشست ثانیہ نے حاصل کرلی۔ ثانیہ مرزا نے اس کامیابی کا سہرا اپنے والدین اور سینچورین ڈیفنس اکیڈمی کے سر باندھا جب کہ وہ بچپن سے ملک کی پہلی فائٹر پائلٹ اونی چترویدی کو اپنا رول ماڈل مانتی ہیں اور ان جیسا ہی بننا چاہتی تھیں۔