Raza Musani 
کراچی : امیرجماعت اسلامی حافظ نعیم الرحمٰن نے ایران سمیت مختلف مسلم ممالک کے سربراہان کو علیحدہ علیحدہ خطوط ارسال کردئے۔ ایرانی صدر ڈاکٹر مسعود پزشکیان کے نام خط میں حافظ نعیم نے فلسطین کے بارے میں اسلامی تعاون تنظیم کا سربراہی اجلاس بلانے کی تجویز دی ہے۔ انہوں نے لکھا کہ ہم اسلامی دنیا کے حکمرانوں سے فلسطین کے بارے میں اجتماعی کاوشوں کے خواہاں ہیں تاکہ غزہ کے عوام کی مدد کی جا سکے اور قابض اسرائیل کے مظالم کو روکا جا سکے۔ انہوں نے اپنے خط میں 20 اپریل کو یوم یکجہتی غزہ کے طور پر منانے اور اسلامی تعاون تنظیم کے رکن ممالک کا ہنگامی اجلاس بلانے کی تجویز پیش کی ہے اور کہا کہ غزہ کی موجودہ صورتحال انسانی المیے کی حدوں سے تجاوز کر چکی ہے اور وہاں کے ہولناک حالات امت مسلمہ کیلئے ناقابل برداشت ہو رہے ہیں۔
