اسرائیل نے غزہ میں صدی کی انتہائی تباہ کن جنگ چھیڑی ہے، امریکی اخبار

واشنگٹن: امریکی اخبار واشنگٹن پوسٹ نے انکشاف کیا ہے کہ اسرائیل نے غزہ میں صدی کی انتہائی تباہ کن جنگ چھیڑی ہے۔
رپورٹ میں انکشاف کیا گیا کہ اسرائیل کی جانب سے اسپتالوں کے قریب بعض سب سے بڑے بم گرائے گئے جبکہ شمالی غزہ میں تباہ عمارتوں کی تعداد شام کے شہر حلب میں تین سال کے دوران تباہ ہونے والی عمارتوں سے دُگنی ہیں۔ واشنگٹن پوسٹ نے سیٹلائٹ کی تصاویر، فضائی حملے کے اعداد و شمار اور اقوام متحدہ کے نقصانات کے تخمینے کا تجزیہ کیا شواہد سے پتہ چلتا ہے کہ اسرائیل نے غزہ میں اپنی جنگ اس رفتار اور تباہی کی سطح پر کی ہے جو ممکنہ طور پر کسی بھی حالیہ تنازع سے زیادہ ہے۔