Raza Musani 
تہران : سپاہ پاسداران انقلاب اسلامی کے کمانڈر میجرجنرل حسین سلامی نے کہا ہے کہ ایران ہائپر سونک کروز میزائل پروگرام کو مزید ترقی دینے کا پختہ ارادہ رکھتا ہے۔ تہران میں سابق امریکی سفارت خانےنما جاسوسی کےاڈے میں منعقدہ تقریب سےخطاب کرتے ہوئے سپاہ پاسداران انقلاب اسلامی کے کمانڈر کا کہنا تھا کہ امریکا ایران کے مقابلے میں فوجی محاذ پر شکست کھانےکے بعد اپنے اسٹریٹجیک ذخائر کو ہمارے خلاف استعمال کر رہا ہے۔جنرل حسین سلامی نے واضح کیا کہ ہماری تزویراتی گہرائی یا اسٹریٹیجک ڈیپتھ کا دائرہ بحیرہ روم اور بحیرہ احمر تک پھیل چکا ہے۔ انہوں نے کہا آج ہم بحیرہ روم اور بحیرہ احمر کے ساحلوں پر موجود ہیں اور دشمن کی نقل و حرکت پر نظر رکھے ہوئے ہیں۔ دشمن منطقی طاقت کو نہیں سمجھتا لہذا سامراجی طاقتوں سے صرف طاقت کی زبان میں بات کرنا چاہیے۔ ہم اپنے کروز میزائلوں کو مزید ترقی دیں گے۔
