Raza Musani 
تہران: ایران کے صدر آیت اللہ رئیسی نے کہا ہے کہ اس حقیقت سے کوئی انکار نہیں کرسکتا ہے کہ سیکیورٹی اور امن و امان کسی بھی ملک کی زندگی اور موت کا مسئلہ ہے۔ ڈیفنس یونیورسٹی کی تقریب میں طلباء سے خطاب کرتے ہوئے صدر ابراہیم رئیسی نے کہا کہ ہماری سیکیورٹی ملکی سلامتی کے ذمہ دار اداروں کی مرہون منت ہے اس حوالے سے کسی بیرونی طاقت کے محتاج نہیں ۔ ملک میں امن و امان قائم کرنے میں سیکیورٹی فورسز اور عوام دونوں کا بڑا کردار ہے۔
صدر رئیسی نے کہا کہ عوام نے ہر میدان میں اپنی موجودگی کو یقینی بنایا ہے اسی لئے ملکی حکام اور ادارے مکمل تندہی کے ساتھ اپنی ذمہ داریاں نبھارہے ہیں۔ رہبر معظم کی بابصیرت قیادت میں ہماری سیکیورٹی فورسز مومن، عوام دوست اور خود اعتماد ہیں۔ انہوں نے مزید کہا کہ ہماری سیکیورٹی فورسز نے عوام کی حفاظت کو یقینی بنانے کے لئے خود کو دشمن کے سامنے ڈھال بنایا ہے۔ عوام کو چاہئے کہ پولیس اور دیگر اداروں کو اپنی پناہ گاہ سمجھیں اور سیکیورٹی فورسز کو بھی عوام کے ساتھ نرمی اور شفقت سے پیش آنا چاہئے۔
